Pdf formatuan jeitsi: triptikoa_(pdf)

Egitarauaren laburpena jeitsi dezakezu ere 6 hizkuntzatan: triptikoa_6_hizkuntzatan_(pdf)

18. Jai honen abestia entzun dezakezue atxikitutako artxiboan Bergarako San Martin Eskolako haurren ahotan. Jatorrizko doinua Jose Ignacio Ansorenarena da eta eskolako guraso talde batek moldatu du. Hona hemen letra:

“Ekainak zazpi, ba al dozu planik?
Bestela, hemen Bergaran
denon artian, gertatu dogu
ondo pasatzeko aukera.

Esan lagunei eta etorri
autobusian sartuta
elkarrekin gozatzera
gure herria eza(g)utzera
gure herria eza(g)utzera.

Guraso, ume eta irakasle
denok eskutik helduta
Obatu alkarri bultza dezagun
gure eskola publikoa
Euskal Eskola Publikoa!”

obatu_abestia_(1,8_mb)

Biltzen Gizarteratzeko eta Elkarbizitzarako Zerbitzuak antolatzen ditu Euskal Eskola Publikoaren 18. Jaiko jarduera kultur anitzak. Bi betekizun ditu Eusko Jaurlaritzako Inmigrazio sailari atxikituta dagoen titulartasun publikoko zerbitzu honek: inmigrazio eta elkarbizitza arloko gaietan lagundu eta erreferente izatea, eta elkarbizitza kudeatzea. Horretarako hainbat arlotan egiten du lan Biltzen-ek: prestakuntza, kultur artekotasun bitarketaritza, itzulpenak, sentsibilizazioa, bitartekaritza, aholkularitza, ikasketa/ikerketetan laguntzea eta lanean sartzea. Bilbon du egoitza, Blas de Otero kaleko 11. zenbakian eta bulegoak ditu Donostia eta Gasteizen.

Kultur aniztasuna izango da Euskal Eskola Publikoaren 18. Jaiaren ardatza. Gune zehatz bat izateaz gain, jai-gune guztietan banatuko dira mota honetako jarduerak gastronomia, erakusketa, tailer, kontzertu eta kale animazioaren bidez.

Paraguai, Maroko, Errusia eta Bulgariako jaki tipikoak dastatzeko aukera izango dugu, beste batzuen artean, etorkinen elkarteei esker. Hauen argitalpenak ezagutzeko aukera ere izango dugu, batez ere hezkuntza alorrekoak.

Andeak, Txile, Kolonbia eta Senegaleko dantza tipikoak ezagutuko ditugu baita perkusio afrikarra ere. Ez dira faltako ezta ere henna, idazketa afrikarra eta perkusio tailerrak.

Gaur, otsailak 4 eguerdiko 12:00etan, Euskal Eskola Publikoaren Jaiaren 18. edizioa aurkerztuko da Donostiako Koldo Mitxelena Kulturunean. Leloa eta logotipoa aurkezteaz gain, EHIGEren irudia berria aurkeztuko da.

18_jaiaren_dosierra_(pdf)

Ekainaren 7an ospatuko da Euskal Eskola Publikoaren 18. Jaia “Obatu Euskal Eskoal Publikoari” lelopean. Lelo honen bidez Euskal Eskola Publikora “engantxatu” nahi ditugu ume, gazte eta helduak.